點新聞 ｜ 每日點新聞 點解香港事

由王祖藍主持的節目《有個閨密叫祖藍》，本周日（28日）晚10點第5集嘉賓為楊千嬅，她雖視祖藍為「工作關係」，但在節目中全程真情流露。

二人首以打羽毛球交手，由於祖藍自稱「零運動」，千嬅原本志在必勝，可惜最終多番被技術式擊倒。千嬅大爆老公是「運動魔人」，即使只是上綜藝節目也當正「真·比賽」：「有次佢特登train咗三個月先去拍，我提了十幾次你只係演員，佢就話自己係運動員。」談到祖藍讚丁子高身型Fit，千嬅又指老公身形冇祖藍想像咁Fit：「佢遮得好咋，話佢Perfect figure又唔係。（你都冇咁嘅需要啦）我又冇要求佢，但最好唔好咁走樣啦。」

千嬅強調與老公並非一見鍾情，只是愈相處愈發覺自己深受對方影響，並謂現時在上海居住也是因為老公的上海人身份：「當初係因為佢好耐冇見屋企人，佢屋企大家族嚟，每次食飯都成三圍枱。但我爸爸媽媽喺香港，所以都會掛住香港。」

祖藍追問千嬅有否行奶奶政策，千嬅即分享與奶奶打牌趣事：「打牌我識識地，但又唔係好識，因為數學真係相當差。初初打我好驚架，奶奶好認真，唔可以亂打。譬如人哋做大牌，但我又唔知亂咁打，結果打出去畀個雞糊截咗人哋一舖150幾番，真係驚過輸架。」

（點新聞特約記者陳惠芳報道）