王祖藍主持的大熱綜藝《有個閨密叫祖藍》，昨晚（28日）嘉賓是有「大笑姑婆」之稱的楊千嬅。千嬅大爆老公丁子高相當貪玩，經常整蠱她，相反年僅10歲的仔仔Torres思想成熟，且識得氹媽咪開心。
千嬅說發生最多的是「石春藏手袋」:「你知日本餐廳門口好多石春，每當我去廁所準備走，佢就將所有石春擺晒喺我個袋度。我奇怪咁重嘅，一打開個袋全部都係石春，你話係咪㷫吖？佢又試過行行吓街喺後面用隻手拍我隻腳，然後扮狗叫喎，我以為真係有狗咬我咪大嗌咯，咁我一大嗌好大聲㗎嘛，成條街望住我，佢咪喺度笑咯。但仔仔很不同，個仔會整蛋炒飯我食，我好感動㗎。佢仲話：『你可唔可以唔好成日話減肥，夜晚要食飯，如果你唔食飯我都唔食。』其實我只係夜晚唔食澱粉咋嘛，佢以為我絕食。」
另在myTV SUPER的加長版，千嬅又暢談多年來不同工作帶來的得着。她坦言很感恩做護士讓她學懂與人相處，又難忘初入行於華星打拚的日子。她指與華星另外兩寶陳奕迅及梁漢文關係儼如「屋企人咁熟」：「我唔使驚佢哋嬲，咩都會直接講。」她又感激師姐梅艷芳當年對他們這班新人照顧有加。
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
