古裝喜劇《痞子殿下》，今（19日）晚一集講述周嘉洛孖住朱敏瀚（朱仔）反串扮女人，兩人的女裝扮相甚有睇頭。
朱仔受訪時坦言是首次反串扮女人，他笑謂：「換完裝之後，大家都讚我似俄妹，但JW就好討厭我呢個妝容，因為佢一見到我呢個樣就入唔到戲！」有過反串經驗的嘉洛則說：「今次個妝頭都麻煩好多，仲研究咗好耐先搞掂心口嘅自然度！」
昨晚劇情講朱敏瀚為救JW在山上偶遇一隻猩猩，「猩猩」一角原來由劇中演員楊證樺及鄔嘉駿輪流飾演。監製Andy透露指，楊證樺看完劇本後即毛遂自薦，但Andy有感當時天氣實在太熱，決定再找一人「減輕負擔」，嘉駿即時舉手，Andy大讚兩人專業。
鄔嘉駿說：「30幾度着住嗰件猩猩衫，仲要係咁做動作，每次開工當係焗桑拿，排曬啲汗同毒素出嚟，前後拍咗5日、起碼瘦咗4、5磅。」楊證樺同樣指難抵炎熱天氣，他說：「喺山洞拍攝好似入咗焗爐度咁，雖然衫入面已經裝咗風扇，但都仲係好熱！同埋件猩猩衫會甩毛，黐到全身同塊面都係，搞到好痕，但又要Keep住演戲，呢個係最辛苦嘅地方，但都係一次好好嘅體驗。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
