【點新聞報道】近日，有市民分享外出食飯時遭遇離奇事件！事主於一間連鎖餐廳使用自助點餐機結賬時，突遭一名疑似啞巴的乞丐「攔截」，對方搶先掃描自己的會員二維碼後，竟向事主索要5蚊現金，事件掀起網上熱議。
該市民於社交平台以「大家樂乞兒出沒注意‼」為題發文，並附上下單收據的相片。事主憶述，當時他正在一間大家樂的自助點餐機前下單，突然有一名疑似啞巴的乞丐「衝出嚟喺我張單scan佢個大家樂會員」。事主起初以為對方只是想借自己的消費來賺取會員積分，「我諗住幫佢儲分就照俾啦」，便任由對方按下付款鍵。隨後該名乞丐掏出手機，打字要求事主支付其5蚊現金。事主當下大惑不解，坦言：「我同佢解釋有無會員都有得減錢，唔關佢會員事，佢仲要死咬我唔放」。事主無奈表示，「最後逼我爆佢先唔纏住，有冇人試過咁被人老屈？$5我都唔會俾呀！」
事件隨即掀起網上熱烈討論。有不少網民指出，該名乞丐其實並非單純「老屈」，而是真的利用會員系統為事主扣減了5元，「但你真係用咗佢個$5。因為係要會員一星期幫襯夠三次，先會有$5樂賞錢」、「又好似自己買冇呢5蚊」、「佢真係俾5元你呀！」、「呢$5蚊係會員『樂賞錢』先有得減，佢可能係想『套現』」。
因事主確實獲得了5蚊折扣，部分網民因而批評事主佔了他人便宜。不過，亦有部分網民認為該乞丐的行為與強買強賣無異，力挺事主拒絕付款：「佢搵到三個人幫佢儲分，幫襯三次就可以有$5，跟住屈人用佢$5套現，同乞冇分別」、「法理上你完全可以唔使理佢！理由係唔係你提出要求佢『幫你』掃會員個code！」、「不要助長行乞，不過佢呢個有D似搶」。
此外，另有不少網民建議樓主：「下次用app落單（啦）自己」、「用手機買啦，杜絕無賴」、「見到呢d行埋嚟一律要彈開、擋住，真係唔知d人會想做乜」、「任何人行過嚟嘟佢自己嘅會員，我會立即離開囉」。
收藏
取消收藏
分享
