【點新聞報道】近日網上流傳多張誇張相片，兩名大媽推着一個巨型晾衫架，大搖大擺地闖入港鐵太子站入閘，更乘搭扶手電梯落到往中環方向的月台，企圖推入車廂內，被港鐵職員發現並作出攔截。大媽企圖甩身：「咁我唔要喇」，最終被港鐵職一句話成功「KO」。
有網民在社交平台threads發文表示，「送朋友去港鐵站，見到兩個阿嬸推個晾衫架入閘！我朋友坐喺月台直擊報道。」從樓主上載的相片可見，兩位大媽推着一個巨型晾衫架成功入閘。由於該晾衫架體積龐大，她們推着落扶手電梯及在月台穿梭時，引起旁人側目。
樓主朋友隨即向港鐵職員舉報，「乜呢嚿嘢可以入閘嘅咩？成個人咁高喎」。據了解，至少兩名港鐵職員立即趕到月台，在車門前及時截停兩名大媽，並表明該晾衫架已嚴重超出港鐵的隨身行李尺寸限制，「港鐵職員同佢講啦，已經超出咗高度，所以唔可以上車啦，跟住話帶返佢出去」。大媽無奈表示，「咁我唔要喇……」，惟職員反應極快，用一句話「KO」對方，「你唔要都要攞出去抌」。
大批網民激讚港鐵職員「轉數極高」、「應對好絕、天衣無縫」、「一句神回覆，完美收服厚面皮大媽！」、「對付無理取鬧嘅人，就要用呢種絕招，港鐵應該加呢位職員人工！」。另有不少網民斥責大媽自私，「成個人咁高嘅鐵架都推入閘，當咗港鐵係貨Van？」、 「有冇搞錯，咁大舊嘢萬一喺扶手電梯失控碌落嚟，分分鐘砸死人！」
（本文為作者觀點，不代表本媒體立場）
收藏
取消收藏
分享
