【點新聞報道】食海鮮向來都是港人最愛，不過最近有食客在社交平台發文抱怨在深水埗一間人氣大排檔點了一隻椒鹽瀨尿蝦，結賬時發現單隻售價高達420元，因而質疑店家「食水深」。
有網民在fb專頁「香港茶餐廳及美食關注組」發文表示，日前在該大排檔，點了一客瀨尿蝦，盛惠420元，質疑食水太深，「突然想食瀨尿蝦，去咗XX(餐廳名)，$420隻，覺得貴咗。」
從其上載的相片可見，是一隻椒鹽瀨尿蝦，全隻炸至金黃色，再鋪滿蒜粒和辣椒，賣相相當惹味。之不過，值唔值420元，就見仁見智。
帖文一出，即掀起一場瀨尿蝦爭論，許多網民直呼價格太「揦脷」，「明明可以直接搶，係都要俾隻瀨尿蝦你」、「好聽叫海鮮價，唔好聽就係水魚價」、「唔係貴咗，係傻咗」、「張相我明明見到係水魚！」、「我寧願食龍蝦」、「你直頭係富豪！」。
另一批網民則支持店家，指這類特大號的野生斑馬瀨尿蝦或富貴蝦，「講真420元咁大隻、真的不算貴，街巿買都接近300元！」、「想食咪食，$420又唔係俾唔起，又唔係日日食，開心無價」、「去銅鑼灣避風塘專門店隨時要$500至$900一隻」。
（本文為作者觀點，不代表本媒體立場）
收藏
取消收藏
分享
