【點新聞報道】不少港人選擇前往英國展開新生活，惟「理想豐滿，現實骨感」，去到當地才發現生活習慣與文化差異極難適應。近日有移英5年的港人在網上發文，憑藉自身體驗總結出「8類最不適合移英的人士」，隨即引發熱烈討論。不少網民坦言內容直擊要害，「中晒」、「講到入心入肺」，更笑言「簡直要貼堂」！
眼見不少人話要移民，有移英網民在社交平台發文，列出8類不適合移英的人士，直指這是根據自己離港5年經驗，除咗有無錢同英文能力之外，所歸納得出來。包括：1.覺得得香港好好：你嚟到只會日日掛住香港，繼而變做怨婦，甚至抑鬱；2.懶：唔想學新嘢，唔想自己整，唔想做家務煮飯，指當地生活要靠自己，缺乏香港的方便與高效率；3.習慣出街食飯：呢到就算你有錢叫外賣，叫得多你都唔會想再叫，最終仍需靠自己煮食；4.不肯考取車牌：有人肯車出車入另計，就算住倫敦都有啲地方揸車去係方便同快好多；5.驚青同有被害妄想症：成日覺得自己比人歧視，出個倫敦都「驚到瀨屎」嗰類人真係唔太啱；6.好怕悶，唔同人交流唔得：個個都忙住自己生活，返工做家務煮飯接送番放學。唔係成日都會有人同你傾計講心事。講完都要驚佢轉個頭會唔會同其他香港人講返；7.家庭關係唔太健康：每個人都要重新適應，每個人都有自己壓力，好多時候少少嘢都會爆煲繼而分開；以及8.物慾太強：好鍾意東亞地區買嘢追星、飲食嘅人，除非真係有錢到可以成日上網買嘢比運費或者自己飛嚟飛去，如果唔係呢到唔會滿足得到你。
fb專頁「英．移．故事」分享樓主帖文，並歸納帖文重點，指出移英者最常面對「生活水平降級」的心理落差，若從前習慣經常外遊、高級餐飲的中產，過到英國變成單收入家庭或全職照顧小朋友，失落感將相當明顯。
帖文一出，引來大批網民熱議，直言「中晒」，有的更力撐「淨係呢8個已經夠，呢個歸納要貼堂。」
有網民留言指出，移民最考驗心態與期望管理，「喺HK土生土長，撈咗幾十年，自然係乜都得心應手。去到外國作為新移民，工作由低做起無可避免。」除了個人適應問題，亦有網民將矛頭指向英國整體社會環境，痛批當地「出錯文化同效率問題」。指「一件事原本半日可以解決，但要搞足半年先處理到，反覆地錯仲要慢。由細公司CS、專業人士到政府都係咁，收咁多稅做事只係為選票。」
另有網民揭示當地治安與種族隱憂，指非法移民與假簽證問題令社會變質，白人圈子內更存在嚴重的階層與口音排擠，「基本亞洲人喺中間係內外夾擊。」有網民最終一語道破：「如果覺得香港好好，真係唔應該移民。」
收藏
取消收藏
分享
