【點新聞報道】TVB綜藝旅遊節目《藍朋友·旅朋友》由王祖藍主持，在本周壓軸的溫哥華篇，王祖藍與太太李亞男接連拜會居於當地的好友們，明晚（28日）將探訪與王祖藍相識超過廿載的鍾嘉欣（Linda）。
嫁了醫生老公、身為三孩之母的Linda，驚爆當年生B是在溫哥華家中，更透露女兒都有見證兒子出生過程：「我自己接（生）架」、「我個女都有睇住我個仔出世，我係咪奇奇怪怪呢？我覺得好Natural，我覺得佢睇住細佬出世，係一種experience of life，Life is life，佢係血淋淋，But it's beautiful。」Linda說時的平淡，與王祖藍的震驚樣相映成趣。
被王祖藍封為「超級媽咪」、可以一隻手煮飯、一隻手氹B瞓覺的Linda，又指經歷生B陣痛對她來說十分重要，因為可以讓她深切體會到自己媽咪的偉大。提到自己媽媽，Linda更感觸大爆發，數度哽咽兼滴淚：「你知唔知我經歷個痛時經歷緊啲乜？（淚水隨即湧上）嘩！感動……我可以經歷我媽媽生我三兄弟姊妹嘅過程同感受（持續哽咽），對我嚟講好緊要，我成日都好想同我媽媽好Close，我知道佢好辛苦，好努力，去成為好好嘅媽媽，所以我好愛錫佢……生BB嘅過程我係諗住我阿媽，所以我好有力量。」正正因為生命影響生命，同樣以愛灌溉下一代的Linda，亦令女兒喜歡上媽媽這個身份：「我大女（注：現年10歲）依家同我講，佢話佢想生小朋友，佢話：『我想生三個呀，媽咪，好似你一樣呀。但你可唔可以幫我湊？』」
重視「愛」與「連結」的Linda，自然亦是「戀愛腦」，當年她認識了老公Jeremy後，向閨密李亞男劈頭第一句是：「我搵到我嗰個人喇，我好鍾意佢，由頭到腳都鍾意！」王祖藍更爆料指，向來視演藝事業為生命的Linda，遇上Jeremy後，出現了180度轉變，王祖藍：「我記得我係同佢傾工作，佢話『我唔使架喇，事業依家唔重要，我以後最緊要係家庭』。」Linda聽畢即補充指入TVB拍劇，曾對她來說是遙不可及的夢：「我以前係睇TVB電視劇大架嘛，我見到佘詩曼、朱茵、蔡少芬、周海媚、陳松伶，我已經發夢好想喺呢個電視（出現）。」
（點新聞特約記者陳惠芳報道）
收藏
取消收藏
分享
