【點新聞報道】TVB娛樂訪談節目《一周星星》明晚（27日）一集邀得王祖藍與李亞男擔任嘉賓，大談二人由地下情、分手、復合到結婚生女的愛情故事。
祖藍憶述當年獲好友蔡少芬贈言，令他與亞男關係出現突破：「佢話『你同亞男講，一係拍拖，如果唔係我就唔等，連朋友都唔好做』。」亞男坦言當時相當糾結，曾向資深前輩黃愷欣求救：「朋友都唔做得？我唔可以冇咗呢個閨蜜喎。」
祖藍又自爆為與亞男在一起，曾禁食40日，最後一日亞男約他給答案，正值他拍《奇幻旅程》MV、人生最瘦的時候，當晚就是二人在一起的第一晚。第一次拍拖去旅行，祖藍特意選瑞士盧加諾，因當地較少華人臉孔，能自由自在享受生活。
祖藍透露2006年起二人為事業分開三年，期間單純做朋友，可各自搵另一半，他坦言難忍，看到亞男緋聞以為是真的，感到傷心，亞男則反爆他打電話問真假，祖藍更爆料胡蓓蔚曾幫亞男約人相睇，但偏偏沒在一起。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
