【點新聞報道】HOY媒體網絡正全力轉播第20屆亞運會，前香港高爾夫球代表何雁詩亦參與評述工作。平日習慣夜睡的她，開工後反而養成良好作息：「以前我較夜瞓，但呢幾日都要早更，所以每晚七八點已經上床瞓覺！因為太早瞓，我就好早起身，返嚟之前仲有時間去做gym，直情健康咗！」
對於最熟悉的高爾夫球項目，何雁詩坦言對港隊奪獎充滿信心，她說：「記得上屆攞咗男子個人金牌同團體銅牌，都係好大突破！今年都絕對有機會！但最緊要平常心，因為對手都好強勁，例如韓國都係強敵！」
針對早前開幕禮後關於「棄子」一事，何雁詩表示之後會專注工作，她感謝各界的關心，並坦言自己要平衡工作與生活，不再過多回應傳媒追問。她表示已同丈夫Fred（鄭俊弘）達成共識，「佢都好忙，喺溫哥華又要照顧仔仔，又有工作，不過我哋樣樣嘢都以仔仔為先！其他嘢例如分隔異地會唔會影響感情嗰啲都唔諗住喇！」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
