【點新聞報道】陳家樂（Carlos）昨晚（23日）舉行首支個人單曲《我們都是無名氏》新歌發布會，首度公開演唱新歌並首播MV。不少圈中好友包括洪卓立（Ken）、許靖韻（Angela）、楊天宇（Angus）、周志文、張文傑等到場支持。雖然家樂當晚緊張到流鼻水，要向台下觀眾拿紙巾抹，但全晚最甜蜜的是太太連詩雅（Shiga）全程「心心眼」撐場，最後更衝上台攬夫感動落淚。
發布會上，陳家樂先後演唱鄭伊健的《心照》、張國榮的《拒絕再玩》、陳奕迅的《孤獨探戈》以及個人新歌《我們都是無名氏》。他一上台即坦言，「真係好驚呀！估唔到緊張過行任何一個紅地氈，好緊張！」
除新歌外，家樂亦唱出Shiga的《只要和你在一起》。他笑言原本只唱四首歌，但難得有這個機會，除了要「表示」一下更要「覆桌」，「其實呢首歌係喺我哋婚禮嘅時候唱俾佢聽，但嗰陣時仲衰過淆底，喊埋出嚟，好多人將我最醜、唱到炒曬嗰段就擺上網。而家難得有個機會，就想『覆桌』唱返好少少。」Shiga在台下邊開着手機燈邊唱邊喊，當家樂唱到中後段時伸手邀請Shiga上台，Shiga一上台即攬着家樂，又一齊合唱，甜蜜到爆。
完Show後，家樂直言今次是人生最緊張的一次，但上台後感覺變得神奇，「我都唔知自己個演出會點，都上到嚟，The Show Must Go On！」他指有位同事跟他說「Action」後便覺得「我就係要做好呢場戲」，笑言給自己的表現打50分合格。他特別感謝太太幫他舒壓，以及Ken提供貼士。談及樂壇頒獎禮，家樂即耍手擰頭，「呢個太遙遠啦，我唔敢去諗。我反而更加希望係呢首歌有觀眾或者一啲認識我嘅朋友聽到，可以更加了解到陳家樂想表達啲乜嘢，重點係多啲人去認識我同埋呢首歌。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
