【點新聞報道】不少港人父母高喊「為了下一代」移民英國，以為畀下一代更好的教育環境，點知將子女推入種族歧視同霸凌嘅深淵！近日有名移民英國的15歲香港女生發帖發出大呻，指自己在英國學校每日都被人霸凌同歧視，返到屋企向家人求救，竟反遭至親冷言冷語，令佢絕望直言：「真係喺英國每返一日學，越想返香港！」
該名移英15歲女學生以在社交平台發文，道出自己在英國學校的地獄經歷。她表示，自己在英國每日返學都面對無休止的欺凌與歧視，但返到屋企嘗試同家人傾訴時，屋企人非但冇給予安慰或支持，反而怪責她，「喺英國每日返學都被人蝦同歧視，返到屋同人講又俾屋企人話係自己覺得人哋有惡意」，仲輕描淡寫話「人哋係想同你玩」。
女生極度無奈及痛苦，感嘆「未經他人苦，莫勸他人善。真係喺英國每返一日學，越想返香港」。該女生身心備受煎熬，指面對高大的英國男同學欺凌，根本無力反抗，「我一個女嘅打唔過啲男，咁多個又咁高，15歲青少年保護法根本保護唔到我，一陣打人又被人傳謠暴力」。
fb專頁「回流英國後的花生爆谷」分享樓主的帖文，並以過路人身份勸慰，指「自己13歲嘅時候都遇到呢啲情況」。當地學校風氣極差，笑言過多一兩年「要大肚嘅大肚、要輟學嘅輟學，等到了考試年紀自然會篩走一堆人」，但亦坦言去到大學或College「又會遇到另外一班白痴」。
帖文一出，即時引起大批網民熱議，紛紛揭穿英國霸凌文化嘅真實面貌。有網民直言，欺凌是英國人骨子裏的文化：「嚟咗5年，深深體會呢啲係英人文化嚟，佢哋由大人到細路，新相識時都會不斷試探你到底係咪佢哋欺凌嘅目標，有啲見你會反抗會尊重你，甚至成為朋友，但其實佢哋第一嘢係諗住欺凌你。」她更分享自己教女嘅心得：「假如霸凌嘅後果係一個人道歉、一個人受傷，佢就做道歉嗰個！」
另有網民分享自己15歲女兒的慘痛經歷，指女兒在學校都比同學欺凌，「佢小息去買朱古力奶，之後比個同學一脚踢落佢小腿，之後成杯朱古力奶跌落地.....之後我個囡還拖，一脚绅落個同學小腿，以牙還牙。係我由細到大咁教，善良係要留返比善良嘅人，尤其我哋住外國，一定要好好保護自己。」
收藏
取消收藏
分享
