【點新聞報道】近年來不少港人選擇移民海外。近日一名30多歲的港女於社交平台發文，坦言自己正處於人生交叉點，對於是否選擇移民感到極度迷惘，因而向網民求教，帖文隨即掀起熱烈討論。
該名30多歲的單身港女在Threads發文指，「對於移民好迷惘，早幾年因為屋企人有事要照顧，所以冇走」。如今雖有一些積蓄但不多，樓主透露自己一直看淡本港樓市及前景，幾年前未有選擇置業，故目前「無負債在身」。
然而，任職銀行職員的樓主直言自己離失業不遠，「已經喺Roadmap度見到自己條Team」，恐其所在部門隨時被裁。樓主無奈表示，她平日負責的工作大多屬於不可轉移的技能，「做嘅嘢好多都唔係transferrable skills」。
如今外國移民政策收緊亦令她倍感壓力，樓主坦言：「澳洲同埋加拿大移民都落閘ing，同埋呢個年紀移民嘅門檻高咗好多。」面對前路茫茫，樓主求問網民：「除咗英國之外，仲有冇其他地方可以考慮？」
帖文引發網上熱議，不少網民直言移民並非逃避現實的方法，勸告樓主慎重考慮：「有猶豫一律建議唔走！去海外唔單止要面對工作，就算本錢夠，決心唔夠，要徹底由零開始重新生活都會好辛苦」。
部分網民指外國就業市場同樣嚴峻，甚至比香港更殘酷，「除咗失業你有無非走不可嘅理由，如果無一個強烈嘅信念支持你走。你去到第二度只會更加辛苦。去外國搵工更加難、競爭大，你可以上linkedin睇下一個entry位同你爭嘅係幾百人，當中超過20%係揸master degree。唔係話咩都唔做，但如果單純係因為失業就想走嘅，你走咗只會更辛苦更難捱」、「如果你嗰行喺香港難搵工嘅話，出去外國會仲難。你肯做fg工都好，大把英文流利嘅印度人同你爭。冇破釜沉舟嘅心態，只係純粹想逃避喺香港嘅問題，你出到去都無運行」。
此外，更有網民列出移民海外生活的現實條件，指出若缺乏資金或特定技能，生活將非常艱巨，揶揄：「1. 如果在香港失業幾年都搵唔到工，積蓄耗盡，你可以申請綜援。2. 如果在外國搵唔到工又使晒錢，就要敗走回流，重複1。3. 如果你乜都肯做、照顧老弱執屎執尿、體力好到可以酒店執房，或者原來你揸車好叻英文流利，可以做英語教車師傅的話，英國歡迎你。4. 如果你有600萬以上現金，可以買一層樓自住，一層收租，得閒打下散工，英國亦歡迎你」、「加拿大嘅話，過咗30歲、冇Master、唔係做護士、唔識法文，中晒呢4樣你可以死咗條心，機會接近零」。
收藏
取消收藏
分享
