【點新聞報道】近日有移英港人於社交平台大吐苦水，指在英生活期間頻頻遭受歧視與欺凌，坦言打算在取得英國永久居留權（永居）後即回流香港，帖文掀起網上熱議。
該名移英港人於Threads發文，哭訴：「想攞埋個英籍之後返香港，因為喺英國受盡歧視」，並分享了幾個自己在當地被欺負的經歷。樓主透露，其曾於倫敦維多利亞火車站（London Victoria Station）突遭一名外籍青年一掌拍落帽子、掉到地上，對方更用腳踢走樓主的帽子。此外，樓主表示其在街上時常無故被當地青少年挑釁，「學我講嘢，同我講chicken fried rice咁」，甚至樓主試過行街時被路邊車輛內的「鬼仔」突如其來大聲叫喊嚇唬。
樓主無奈表示，起初亦曾思考過對方是否並非意在歧視，但對方竟講出「Ching Chong」、「Go back to China」等具極端種族歧視色彩的字眼，令其倍感無奈，遂發文詢問：「各位BNO在英港人，有冇試過類似嘅經歷？」
帖文一出，隨即吸引了大批網民和同路人熱烈討論及留言。不少同路人紛紛分享類似遭遇，甚至有當地BBC現身說法，指自己從小在英國就讀小學至大學畢業，最終亦決定回港工作。該名BBC坦言：「可以老實share俾你聽，從細到大都會俾人（因為）外表上，見你係亞洲人歧視，身邊有靚女亞洲friend都試過俾人多次騷擾、歧視，因為係從外表上歧視，就算你融入咗當地文化，英文倫敦口音，好過佢哋都一樣。」
然而，有部分網民持不同意見，認為樓主可能過於敏感，指涉事青年或許只是「貪玩」而非刻意歧視，更有網民質疑樓主為何不即時反抗，直言：「一個人唔會無端端被人歧視嘅，我覺得一定係你自己有問題，我喺英國幾十年都未遇過一次」。對於網民的質疑，樓主隨後回覆表示，自己亦有反駁、還嘴，但由於有時對方人數眾多，自己單打獨鬥實在無力反抗。
此外，亦有網民留言諷刺：「自由地方就係咁，有咩問題？你要識習慣西方文化，美國隨時都有人搶嘢入屋，仲要拎槍殺入侵者啦，呢個係嗰邊嘅習慣，好正常」、「英衛兵話你俾人歧視一定係你嘅問題，英國人咁有禮貌點會歧視你，一定係你做咗啲衰嘢」、「啱啊，我就攞（永居）都唔攞，依家訂機票即刻返去」、「一路都係咁啦。白人係咁吋（串）」。
收藏
取消收藏
分享
