【點新聞報道】曾拍攝《殺出個黃昏》及《武替道》37歲演員林耀聲，近日被發現為生計而轉投地盤工作。林耀聲昨日（10日）於社交平台分享在地盤工作時一身污漬的自拍照，留言︰「多謝大家支持同鼓勵，其實我都係趁未有工開嘅日子，返吓地盤啫，唔覺得係咩大事，我同每個人一樣都有面對自己人生嘅挑戰，我只係為咗可以繼續我嘅演員路走得更長遠，更好，多謝阿Deep（吳浩康）畀機會我可以維持生計！」
林耀聲又引述獨立音樂人MC仁（陳廣仁）一句：「夢想係攞嚟成真，如果唔行動淨係諗嗰啲叫妄想。」作勉勵，「我相信我會再同大家喺銀幕上或者其他媒介見面，嗯！我真係相信！無咩事我繼續返工先。」
帖文獲大批網民留言支持，「依家有工返已經好好，返咩工根本唔重要加油」、「你堅持理想真的好讚！加油，希望能快點看到你的新劇！」、「靠自己雙手拚搏嘅！都係型嘅」、「欣賞，加油，等在銀幕上見你」、「加油！演員都係人，無嘢拍都可以做其他工維持生計」。
（本文為作者觀點，不代表本媒體立場）
收藏
取消收藏
分享
