【點新聞報道】Twins今日（10日）宣布，將於12月18至20日在灣仔會展舉行一連三場《Twins Side by Side Concert》Sidetrack演唱會。二人不選紅館，想以歌會友、與歌迷近距離「肩並肩」。
談到終於開Sidetrack Show，阿Sa直言：「因為未開過囉。」阿嬌接力：「同埋我哋畫餅都畫咗十幾年啦，哈哈。」阿Sa指，以往推出不少專輯，但並非每首歌都能派台，「入面有好多滄海遺珠、好多好歌，好想趁呢個機會唱返俾fans聽。」對於歌迷笑她們經常「走數」，阿Sa即耍手擰頭：「唉！唔關我哋事。」阿嬌和議：「嗱！同找數冇關係嘅，係純粹我哋想開。」
至於選會展因場地適中，阿Sa解釋，Sidetrack演唱會不想用太大場地，並笑說：「又驚唔夠人啦，哈哈。」其實，她們曾參考容祖兒《My Secret Live》的溫馨感。歌單初選60多首，暫剩40多首，預計唱20多至30首，阿嬌提議加《心軟》等至30幾40首。
「Side by Side」意指兩人二十多年並肩走過高低，Sidetrack亦與主打歌並肩。海報賽車手造型呼應「Track」，二人笑言未試過「扮型」。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
