【點新聞報道】網上今日（10日）流傳一段車CAM，兩名司機因為切線問題爭執，其中一方更持鉸剪指嚇。
片段顯示日期為昨日（9日）下午5時46分，片主駕駛車輛由銅鑼灣邊寧頓街轉入怡和街，期間一輛豐田七人車突然從右側切線駛入，險些釀成碰撞。片主立即響號警示，並爆粗怒斥：「乜X嘢呀你！X你老母！」之後七人車停低，身穿裇衫西褲的中年男司機怒氣沖沖，手持鉸剪落車指嚇片主，更揚言：「你再指！再X！你再指，我剪你呀，我最多坐監！」雙方爆發激烈爭吵，互相粗口問候，隨後中年司機返回私家車，片段就此結束。
網民留言指中年司機不是，「不小心駕駛、 藏有攻擊性武器 、恐嚇罪」、「好X危險，如果有朝一日佢情緒失控，衝上人群就大獲（鑊），肯定死唔少人」 。
影片引起網民議論，有網民認為七人車司機觸犯法例，應該報警處理：「報警拉得，攻擊性武器」、「落車帶攻擊性武器出嚟指嚇對方！衰硬！」。亦有網民認為雖然七人車司機犯錯，但片主都應收斂脾氣：「佢唔啱，但你脾氣都好差，比人cut小小就響個長咹咁嘈，自己又咁躁，影響心情，凡事都唔順利呀。」
（點新聞記者蘇鉅祖報道）
（本文為作者觀點，不代表本媒體立場）
收藏
取消收藏
分享
