【點新聞報道】由周家怡、李靖筠（Gladys）及海兒（Hedy）聯手主持的駕駛節目《恨駕女團》，從最初輕鬆遊車河、分享駕駛樂趣，到後來介紹各款靚車名車，如今更挑戰考取賽車牌照，認真程度絕非兒戲。
今次節目專誠請來香港著名賽車手盧思豪擔任導師。在「賽車手育成企劃」第二集中，思豪坦言對3位女將充滿信心：「我設計嘅課程，重點唔係要揸得快，而係認識賽車、了解安全措施，同埋完成簡單任務就可以。」他又指「好勝心」是車手必備條件，但家怡與Hedy另有看法。家怡認為：「與其求快，不如做好每個步驟。」Hedy則笑言：「我覺得3個人都好好勝。」
訓練隨即展開，豈料鏡頭一轉，家怡竟躺在醫院病床上。她初時輕鬆笑說「休息吓啫」，其後才認真解釋：「要做賽車手，就要練體能，我操咗十幾日，點知琴日操得太攰，閃親條腰。我做wall ball時接波唔夠力，個波撞正椎間盤，即刻痛到行唔到，好恐怖，即時入醫院，拍攝無奈要暫停。」節目組曾建議取消企劃，但愛車如命的家怡堅持繼續：「咁難得開咗個頭，我好想完成，不如唔好停。老人家話筋骨一百日就好，三個零月後應該更好。」於是企劃延遲三個月。
一個月後，家怡康復進度理想，已能重新駕駛；三個月後正式歸隊。期間Gladys亦考獲棍波牌。團隊終於出發到肇慶廣東國際賽車場，進行實地賽道特訓考驗。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
