【點新聞報道】由香港亞洲電影節及百老匯電影中心聯合呈獻的「香港亞洲電影節HKAFF2025」昨晚（22日）於太古廣場舉行開幕典禮。香港亞洲電影節踏入第22年，有別於以往由演員擔任大使，本年的大使來自開幕電影《世外》的可愛角色小鬼和小妹。
開幕電影團隊在參與開幕典禮後均移師戲院作映後分享，被問到在香港製作動畫的困難，監製及編劇楊寶文坦言：「最大挑戰係人手同資金，其實香港有好多好叻嘅動畫師，散落不同地方，到聚集大家一齊做一部111分鐘嘅動畫長片，需要好多時間摸索，尤其我哋團隊人手唔多，不過一個人同時做三至四個人嘅工作量，去應付成個創作。」對於改編《千年鬼》的故事，楊寶文直言看到故事的一半就已經決定購入改編權：「《千年鬼》講人性講得太好，直面人性嘅一啲殘酷，但係內又有善良嘅部分，所以我好想將佢變成一部電影。」
同場觀眾更好奇聲演團隊在演出中感到難忘的事情，一眾聲演演員各自分享，演員鍾雪瑩指：「記得配音時候同時進行緊後期製作嘅階段，有部分畫面仲係進行緊創作，所以配音時候需要加入想像，同角色一齊成長，導演同動畫師有就我哋嘅演繹去完成最後畫面嘅流動。」蔡曉童則大感興奮：「因為《世外》係一部香港製作，少有原聲係廣東話，有別於其他動畫，所以俾到演員好多空間去創作角色。」而張繼聰則延續片中角色的氣氛擔當：「我嘅角色主要喺悲慘嘅劇情入面，負責搞下氣氛。我覺得我哋好值得proud of呢部作品，因為成個團隊經歷7年嘅時間，一手一腳去完成一部咁浩大嘅創作，更加可以鼓勵到人追逐夢想。」
演員謝安琪則坦言很喜歡片中角色：「我好享受聲演「天女」呢個角色，因為佢係世外入面最高，為大家解開心結，層次最高，充滿最大嘅愛，不過又係最無形，講嘢又好淡淡然，同一般人講嘢差別好大。」
柯煒林則略帶感動地表示：「無論我哋配音遇到任何困難，都比唔上創作團隊經歷同面對嘅困難，堅持自己嘅藝術相關嘅範疇。」而一向形象陽光的楊雅文還透露自己與角色反差不少：「我嘅角色長期都徘徊喺負面情緒，要思考點樣將負面情緒嘅聲音展現，同我自己釋放情緒嘅方法好唔同，因此要尋找自己聲音嘅質地同狀態再堆疊上去。」
收藏
取消收藏
分享
