【點新聞報道】超強颱風「樺加沙」襲港，天文台懸掛十號風球，餐廳基本上都唔開，以快餐主打的麥當勞等其他連鎖食店，就成了不少市民的救世主喇!
有網民今日在連登討論區發文，問「十號風球，大家屋企附近有乜舖開？」不少網民都回覆好在有麥當勞，「得間M記」、「M記」、「區區都有M記」、「麥當勞、茶樓全部開緊」。有網民則好奇職員是點樣返工，「其實M記啲人10號波係點返工」、「個個住樓上？」、「人工計唔計雙糧」。不過，有網民批評麥當勞妄顧員工安危，「點解m記，10號風球都要返工咁癲」、「冇收過工咋」。
事實上，每逢颱風襲港，餐廳食肆應否營業都會成爭議，有人認為僱主應顧及員工安全，「僱主應睇實際情況，安排員工應否返工」；亦有人認為又不是在室外整漢堡炸薯條，開門營業可以讓人避風、又做到生意，「都係方便啲客人啫」、「咁多年都係咁啦，唔覺有問題」；亦有人笑言「返工係愛同責任」。
總言而之，點仔覺得在極端天氣下仍堅守前線的員工，好值得專重！
收藏
取消收藏
分享
稿件由上傳 · 文責自負 · 不代表本網立場
