【點新聞報道】俗語話「人在屋檐下，不得不低頭」，有移英港男在社交平台發文慨嘆：「好多香港人，唔敢面對英國社會對香港人不公義嘅現實」。樓主在帖文提及當地兩宗涉及港人的車禍，指兩單案判決，判得截然不同。然而，最可悲的是移英港人的態度，「無人出聲」、「九成九人選擇避而不談，裝作冇發生過」。樓主痛斥「沉默，往往係一種更深層次嘅悲哀」。
該名移英港男在社交平台threads以「英國同理心的差異：兩單判決，兩個世界」為題發文，指「早前BBC有段新聞，講到一個來自香港的移民家庭，11歲嘅男童踩單車返學途中，喺行人路上俾垃圾車司機撞死。結果，嗰個垃圾車司機唔使坐監，只係判咗133小時社會服務令同埋停牌一年。」而樓主同一時間亦再次發布了另一單新聞，「本年初，一名剛移英、啱啱攞到牌嘅香港人，因為駕駛意外撞死人，結果被判入獄兩年，停牌六年。」
樓主直指，兩單案判決，判得截然不同；結論其實好簡單，就是同理心唔同，「當意外受害者係英國白人，英國社會會用盡方法去表達同理心，甚至加重責任，務求畀個交代畀家屬同社區。但當肇事者係英國白人，而受害者係香港裔移民，情況就完全倒轉。所有對被告有利嘅資料都被無限放大，所有有害嘅細節就被輕輕帶過，然後一句『情有可原』，事件就咁算數。」
樓主在帖文提到，當日貼出相關報道的帖文，有逾萬名移英港人睇過，但結果無人發聲，「我出咗個post，一個鐘內就已經有過萬人睇過。根據演算法，第一批睇到嘅，基本上係一班移英港人群組嘅人。但結果係無人出聲，無人留言。」樓主慨嘆：「呢個反應，甚至唔算反應，足以證明咗一樣嘢：好多香港人，唔敢面對英國社會對香港人不公義嘅現實。」
樓主認為，移英港人的態度最可悲，「依家好多移英家庭都有差唔多年紀嘅小朋友，理論上呢班人應該係最關心今次事件，甚至希望出一分力，起碼發聲。但現實係，九成九人選擇避而不談，裝作冇發生過。沉默，往往係一種更深層次嘅悲哀。」
收藏
取消收藏
分享
