【點新聞報道】俗語話講錢傷感情，有移英港人因不滿父母回流後，要求收取每月七千元租金，遂放上網公審，「自從父母回流咗，我而家一個人住一間四房 House，但我父母要求我交£650（約$6,900港元）租金畀佢哋。」不過，網民不買賬，批評樓主「正一自私天花板」、「身在福中不知福」、「如果我係你父母，見到呢篇就叫你出街瞓」。
該名與父母移英的港人在社交平台threads發文表示，父母回流後要求收取租金，雖然較市價平宜，但指自己已一力承擔所有帳單，「自從父母回流咗，我而家一個人住一間四房House，但我父母要求我交£650租金畀佢哋，雖然已經係比市價平咗，但全部bills都係我自己交。」
樓主遂問網民父母的要求是否合理，「我未聽過父母要求仔女交租畀佢哋，想知道大家咩諗法，要交租畀佢哋令我每個月儲少咗£650」。他表示，父母是退休人士，有積蓄，現時靠微薄既利息作為收入，曾叫他賣樓套現，「佢哋成日叫我不如賣樓畀返筆錢佢哋，叫我自己搵地方租住，但出面一個人住租金價錢更高，所以我唔想。」樓主亦不同意將單位分租，「大家唔使叫我將間屋分租出去，因為我唔鍾意同人住，鍾意自己一個住。」
帖文引起網民極大迴響，大多數留言批評樓主「你未聽過父母要求仔女交租，我都未聽過父母一定要送層樓畀仔女住呀！正一自私天花板」、「呢啲咪就係叫做身在福中不知福囉、「巨嬰」、「你父母真係生嚿叉燒好過生你」、「如果我係你父母，見到呢篇就叫你出街瞓」、「完全冇感恩同孝順父母之心」。
樓主回應網民批評時，強調自己對父母非常感恩，指移民英國是其個人主意，「以前喺香港好食好住，有工人，父母其實唔願意移民英國，但我懇求佢哋陪我一齊移英，令我可以有取得英國護照同發展事業嘅機會。係父母對我嘅寵愛先同意陪我移英，無可奈何佢哋最後無法適應英國嘅生活，決定離開。」
樓主亦深知£650住四房獨立屋是好平好合理，但他之所以提出疑問，是因為身邊朋友覺得要交租給父母是匪夷所思，「我身邊朋友就算而家有工作都只係畀好少嘅家用，大約£200，亦有朋友喺出面租studio係靠父母資助租金，對比之下我要交£650，係相對較高嘅金額。」
樓主認為父母收取的租金於理不合，「佢哋有積蓄又靠利息作為收入，我知道佢哋財政上係應付到，冇負擔，唔係真係需要我呢£650。再者，父母未回流前我只需要交£570 家用，呢個費用係包括我嘅伙食，另外所有bills 我出90%，佢哋出10%。佢哋回流後，我變咗要交£650租金，所有bills，伙食費等等，支出係比佢哋回流前更高」。心有不甘的樓主直指，回流是父母的選擇，但自己就被逼承受這個結果。
樓主抱怨父母不願下調租金，令其生活變得艱難，「雖然曾提出將租金下調，但公母都係唔願意讓步。我本身性格極慳，鍾意賺錢，儲錢，唔鍾意使錢，見到自己鍾意嘅嘢都唔捨得買，盡量抑制自己。佢哋回流後，我亦努力適應緊一人嘅生活，以前有佢哋幫我打點一切，煮飯畀我食，做家務，我嘅職責只係返工，但係而家我除咗返工之外仲要處理所有日常生活嘅事情，確實好艱難。」
最後，樓主認為孝順父母報答養育之恩是天經地義，但前提是子女必須要有一定的經濟能力先可以做到，「更何況孝順父母呢個行為本身唔應該用金錢同物質去衡量」，希望網民能夠體諒其處境。
收藏
取消收藏
分享
