【點新聞報道】不少港人移民英國後生活降格，卻仍死撐還自以為高人一等。有移英港男於討論區發文，話移民英國後重新定義咗「成功」，聲稱唔再覺得自己「浪費緊人生」。結果惹來一班連登仔留言嘲諷「做二等公民叫成功」、「失敗窮Ｌ啲心靈雞湯」、「根本無能力喺英國發圍」。
該名移英港男於連登討論區以「移咗英國之後，重新定義咗『成功』」為題發文，指「香港嗰陣，覺得成功係：升職加薪；做嘢要快、準、頂得順壓力；有張名片寫住『Manager』。而家嘅我，覺得成功係：唔靠鬧鐘都起身；有時間整個早餐慢慢食；唔再覺得自己『浪費緊人生』」、「以前成功係要『攞到啲咩』；而家成功係『唔再俾啲咩綁住」。
樓主有感而發地表示，「原來所謂自由，唔一定離職去旅行，可能只係一個唔再對『冇生產力』感到焦慮嘅早晨」。
不過，一班連登仔唔買帳，紛紛留言嘲諷「廢Ｌ重新定義嘅成功」、「你呢D至多叫唔夠人鬥，退一步唔同人爭」、「換過角度去睇，其實係好多人根本無能力係英國發圍，只能做司機等嘅基層工作。講白啲，好多人只能被迫躺平」、「講白啲，樓主喺英國無所事事」、「唔好呃自己啦」、「係有無本事搵到嘅問題之嘛」、「自我感覺良好=成功」、「講到尾咪又係錢，冇錢你有得移英？，冇錢你有得唔使校鬧鐘起身？」。
另網民認為樓主開心便好，「其實每個人，甚至人生每個階段追求嘅嘢都唔同，恭喜你搵到自己鐘意嘅生活」。
收藏
取消收藏
分享
稿件由上傳 · 文責自負 · 不代表本網立場
