【點新聞報道】即將在8月9日至11日於紅館舉行一連三場「BIG FOUR HAPPY TO SEE YOU ALL演唱會2025」的BIG FOUR四子，相隔12年再度合體，在早前優先訂票外間反應熱烈，門票火速售罄，今天（10日）門票正式公開發售，同樣掀起一輪搶飛熱。
沒有新秀，便沒有BIG FOUR。早前四子邀請同樣來自新秀的蘇志威以及車婉婉，拍攝《BIG FOUR 請食ReU飯》，並指定要到銅鑼灣一間潮州菜館飯聚話當年，蘇永康解釋說：「點解要嚟呢間，因為當年新秀總決賽完咗，我哋喺度慶功，所以呢度俾我哋好深印象，好值得回憶嘅地方。」
提到為何參加新秀？許志安坦白說：「我想見梅艷芳，但去面試時只係見到黎小田。」蘇志威還道出當年選完新秀，有一段時間是幫大師兄張衞健排舞兼伴舞，到後來才獲梅姐賞識，成為她的徒弟。當時草蜢要同大師兄各奔前程，四子更在排舞室抱頭痛哭。
四子之中，張衞健、許志安、蘇永康在新秀比賽中各有名次，梁漢文雖然未有名次，但當時只有17歲的他，卻在比賽翌日接到華星唱片的來電，他說：「當時我瞓喺上格床，我媽咪話：『喂！華星打嚟搵你喎！』我即刻撲落床聽電話，原來想搵我簽約，對方仲叫我帶埋阿媽，因為我未夠秤。」
除了食飯話當年，當日還準備了一個小遊戲，到張衞健要大家估他演過最深刻的角色，惜最終無人估中，張衞健開估時忍不住說：「冇人了解我，好遺憾呢個世界，兄弟喎！」事後張衞健接受訪問時，不禁向三位兄弟詐型：「唔緊要，兄弟呢啲，少個咪少個囉！不過，show，一定照做。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
