【點新聞報道】得人恩果千年記！一位的士司機近3年前經歷生低潮時，遇到一家三口乘客，對方不但給予$500元作小費，還勉勵他「就算生活幾艱難，都唔好忘記自己係一個善良嘅人」。樓主心懷感激表示，「呢張$500對當時經歷人生低潮嘅我嚟講係一個幾重要嘅啟示」，如今他在網上發文，希望找到恩人答謝。
該名的士司機日前在fb群組「香港尋人專區」以「尋人：鄭先生、鄭太太、鄭小姐」為題發文，「2022年8月23日，中午12時16分左右，乘坐Uber Taxi從又一村前往沙田凱悅酒店。你哋一家三口係善良嘅人，你哋當日坐嘅係Uber Taxi，已經俾咗車費，但落車嘅時候另外俾咗我一張$500紙做小費，同我講就算生活幾艱難，都唔好忘記自己係一個善良嘅人。可能你哋唔知道，呢張$500對當時經歷人生低潮嘅我嚟講係一個幾重要嘅啟示，呢張$500紙我冇用過，呢幾年我一直放喺身提醒住自己。」
如今樓主特意發文望尋找恩人道謝，「希望你哋會見到呢個Post，留個言，等我返到香港可以請你哋食餐飯」。一少網民大讚帖文「正能量」、「很感動」、「有洋蔥」，指「懂得感恩的，上天必眷顧，努力加油」、「一家善心的好人，自然會有他們的福報」、「人間有情，感謝一家好心人」、「懂得感恩必有後福，希望緣份令你們再相遇」、「陌生人嘅善意好令人感動 特別係你人生低潮嘅時候」。
有網民希望樓主記住這份心意，有能力時去幫助其他人，「可以傳承下去才是本意」、「把愛傳出去，不是你的500，是愛」、「如果有機會，你可以同樣幫助番有需要嘅人！」。
收藏
取消收藏
分享
稿件由上傳 · 文責自負 · 不代表本網立場
