【點新聞報道】戀愛真人騷《女神配對計劃》，昨晚（8日）播出的第一集，最經典的「粉紅場面」，首推「愛回家CP」曾展望（GM）及葉蒨文（Sophie）擦出愛火花。
GM與Sophie2024年開始在劇集《愛·回家之開心速遞》中組成「MC配（Mike and Candy）」，因外型合襯大受歡迎；早前Sophie宣布加盟《女神》後，曾坦言GM是其理想型，加上大批「MC粉」湧入Sophie社交網力推GM參加。但GM強調他並非順應民意才參加，並坦承早已暗戀Sophie多時，今次參加是因不想親眼見到女神Sophie被別人追走，才鼓起勇氣報名：「我好少咁主動，因為我怕瘀，不過我更加唔想你畀人追咗，所以我過嚟追你，畀個機會我哋試吓。」
為了加強「籌碼」，GM大冧Sophie：「其實我同林子祥同一日生日嘅。（Sophie中文名是葉蒨文）」面對GM既幽默又真誠的表白，Sophie全程甜笑兼眼泛戀愛星光，她掩着心口說：「你講真定講笑架？我個心跳得好快。」
認真的Sophie，細問GM分不分得清楚自己喜歡的是Sophie還是Candy（Sophie《愛·回家》角色），GM淡定說：「分得清呀，Candy比較小女孩，但Sophie係時尚新女性。」「我覺得你好幽默，我鍾意同啲幽默嘅女仔相處，我覺得好開心，我都係鍾意睇爛gag嘅人」；鍾情「爛Gag男」的Sophie，聽到GM這樣說她害羞謂：「我未見過你呢一面，好唔慣，我平時覺得GM有少少玩世不恭Playboy feel，我覺得你今日好唔同，我feel到我好緊張。」
GM聞言即進一步表白：「其實我好少可咁Hang機，畀個機會我追你，好唔好呀？」Sophie零猶豫情況下直衝GM：「我唔需要嗰五秒喇，由開閘嗰吓我已經揀咗（GM）喇！」Sophie為GM戴上「心動頸鏈」時，二人全程不敢望對方之餘，還忍不住一再甜笑。
（點新聞特約記者陳惠芳報道）
收藏
取消收藏
分享
