【點新聞報道】羅啟豪獲STC主席唐慶年委任為「2025認證推廣大使」，並壓軸登場為現場觀眾獻唱兩首歌曲，當中包括首次公開他主唱《清明上河圖密碼》的港版主題曲《有天做證》。
該首主題曲由音樂人劉易昇及填詞人楊𤋮為啟豪度身打造。啟豪表示：「劉易昇老師俾首歌我嘅時候，即刻喺屋企練習，我自己慣咗一個人匿喺屋企坐喺度對住電腦唱歌，所以都係坐喺度練，點知去到錄音室企喺度錄，反而初初唱唔到，呢段時間為咗預備今次首次現場演繹，即刻喺屋企要記得企喺度練！另外有網民幫我計過呢首歌有547個字，連埋要記歌詞，今日畀自己85分，算過到關，好開心！」
啟豪近來火力全開、演出不斷，昨晚（6月7日）亦有現身「萬眾同心公益金」。被問到他本來不在演出名單上？最後卻與李佳有份參與演出。啟豪稱聽說這一個部分原本由兩位總理合唱，但有一位因病未能出席，於是需要另作打算，臨急邀請啟豪與李佳頂替演出，啟豪說：「今次要照原定設計唱經典歌曲《Memory》，自己從未試過公開演唱呢首歌，同埋只有24小時預備，我哋兩個打醒十二分精神全力以赴。」
今晚「中年好聲音321經典大戰」，啟豪與譚輝智、李金凱合唱《一首歌一個故事》，網上已流出預告片段，不但獲評審一致好評，網民亦反應非常熱烈，三人獲封為「完美靚聲」。啟豪笑言：「今次同輝智、金凱合作非常愉快，我都好期待收睇節目，渴望觀眾會鍾意！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
