【點新聞報道】不少移英港人難以融入當地生活，面對心理困擾及感到孤單。有移英學生在網上發文，大呻移民後，與香港摯友日漸疏遠，自己又未融入到英國文化，慨歎好似已同世界脫節，直言「真係好辛苦」。
該移英港人在社交平台threads發文表示，自己冇得揀，仲讀緊書，話「移咗嚟英國之後好似同世界脫咗節咁，同香港班frd疏遠咗好多，又未融入到英國文化，真係好辛苦」。樓主又表示，「同返香港人玩始終最開心，英國人好悶㗎唔係睇波就飲酒去旅行都係喺間酒店度hea ，邊夠香港人識玩」。
不少有移英網民亦有相同感受，「好明白，英國同學都排擠我，又經常讀錯我的名字 」、「有少少四不像，兩邊都被邊緣化 」、「我n年前英國讀書已經係咁 香港嘅嘢已經唔太關你事，努力入鄉隨俗吧」。
有網民留言表示「原來大家都有咁嘅感覺。兩邊都無朋友，香港啲frd仍然開開心心返工放工，放假旅行，時差關係，已經無聯絡。呢度無朋友，人哋唔想會接觸我(哋)，我亦唔想接觸呢度啲人，返工已經見得夠，有夠噁心偽善，放工只想一個人，返屋企，唔係家，睇返啲韓劇，台綜，望返啲正常人類。放假嚟嚟去去都係個幾個地方，市中心行下街，超市買下菜，去食下港人餐廳，見返啲正常人類，唔想再見鬼(佬/婆/仔/女)。」
收藏
取消收藏
分享
稿件由上傳 · 文責自負 · 不代表本網立場
