【點新聞報道】港鐵禁止乘客攜帶大型行李，惟近日有網民在社交平台發文，指目睹一名金髮男乘客攜帶疑似電動單車進入港鐵車廂，阻礙其他人上車。不少網民鬧爆金髮男的行為自私，「當其他人無到，阻住人上落車，真係好誇張......」。
有網民日前在fb群組「屯門友」以「完全進入咗忘我境界，檔住係車廂門口當其他人無到」為題發帖，從其上載的影片可見，現場為屯馬綫列車，一名金髮男乘客將整部電動單車直接推入車內，企正在門口，由於車輪非常巨型，擋了車門三分二位置，當列車抵達天水圍站車門打開時，他未有讓出空間，令多位候車乘客需攝位入車廂。
事件引起網民熱議，「嘩咁都得？啲乘客咪好危險」、「佢都唔覺自己有問題，自私，仲以為自己好型」、「好明顯係電動單車啦！」、「單車上車箱都要拆轆啦！你重要成架！？」、「著火就大大濟了」、「一爆炸玩完，條友係咪冇左個腦」、「真係人無恥便無敵，連郁一郁讓人入嘅意識都冇，垃X圾」。
有網民人質疑港鐵職員容許攜帶電動單車入閘上車，「點解入到閘」、「唔係話呢啲電輔車係犯法㗎咩？咁明目張膽直入地鐵嘅？」、「港鐵竟然唔理」、「主管監督無能」、「都話咗電動車會越來越惡」。
港鐵提醒乘客根據附例，任何人不得將單車、電單車或其他類似的運輸工具進入港鐵範圍。若乘客見到相關情況，可即時通知港鐵職員，以便作出跟進。港鐵呼籲乘客顧己及人，共同維持一個舒適的乘車環境，不要做出可能影響其他乘客的行為。
收藏
取消收藏
分享
稿件由上傳 · 文責自負 · 不代表本網立場
