【點新聞報道】泳兒（Vincy）今日（6日）推出全新單曲《計劃書》，歌曲可謂「最治癒心靈之作」，記錄了Vincy在人生低谷中的深刻體悟，原來背後隱藏着一段不為人知的抑鬱歷程。Vincy首度剖白深陷情緒低谷時，差不多每日以淚洗面。
Vincy透露開始籌備新歌時，正值人生一段艱難時期，「每日個腦都徘徊緊，自己去到人生呢一個階段，望一望過去，然後再諗一諗將來，開始有種徬徨同埋對未來有一種不安。好想去改變，但係同時亦都有一種無力感，覺得冇能力去改變。I feel stucked and無方向，亦都好自責自己點解唔規劃好啲自己個人生呢？」
正當Vincy陷入自我懷疑時，新歌歌詞成為情緒出口，「詞中悟出，我決定與其好用力去嘗試改變環境，不如首先試下改變下自己個心態同埋思維，去接觸呢個不穩定嘅世界，慢慢從重新再行返出嚟，可能已經係另一個感受。」經過這段黑暗期，Vincy終於明白：「Nothing is under control，有時反而你唔太執着於規劃，可能有意外嘅驚喜。唔係話100% free flow，係要有少少計劃嘅。盡力做囉，盡量做囉，即使好攰。而且放鬆心情去行，當計劃不似預期都唔好太執着，可能就係最好嘅計劃書。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
