【點新聞報道】搭的士需按錶支付車資，惟近日一名司機分享親身經歷，指在皇崗接載3名中年大媽前往天水圍時，因拒絕她們提出的「85折」要求，最終更在落車時被對方試圖壓價，司機最終用兩招反擊終收足錢。
該名的士司機在fb群組「的士司機資訊網 Taxi」發文表示，當時他在落馬洲落客後，見現場太多行家，於是駛往皇崗等客。期間發現有人透過電召的士應用程式要求以「85折」前往天水圍，惟他沒有接單。
之後突然有3名中年婦人上車，表示要去天水圍。正當司機準備開車時，其中1名中年婦開口指「嘩，司機你咁嘅，唔接我張單」，指樓主「車頭部機」是使用同款電召的士應用程式，但沒有接單。司機則反駁「你見到有其他的士咩？冇車我點解要做85折？咁你依家點？落車定開車？」對方最終無奈接受正價上車，「開車啦開車啦，離晒譜...」。
車程中，三人「不停依依哦哦」，令司機感到煩躁。抵達天水圍後，咪錶顯示車資為158.1元，其中一人開口要求「收130啦」，甚至低於85折。司機當場鎖門，堅持收足正價「你呢程係正價，158.1，唔該！」
期間另一名婦人試圖打圓場，「唔好拗喇，140啦」，但司機拒絕讓步，反問「你哋識唔識我？」中年婦立即回道：「黐線㗎你，你邊位呀！」司機續指「我又唔想識你，咩事要收少錢？」對方辯稱原本是電召85折，但司機重申未有接單，並表明會報警「158，唔畀叫警察嚟你同警察講 ....」。最後，對方才支付全額車資。
事件引起不少同業及網民抨擊，「街截正價真係常識」、「冇錢就搭巴士咪搭的士啦」、「街客收千足，天經地義」、「比我原車返上車點叫佢落車」、「買菜咩，講價!」、「接不接司機有權選擇」、「本人已經好耐冇要求的士司機提供折扣，因為本人覺得的士司機都係靠勞力搵食」、「師兄做得好。」
收藏
取消收藏
分享
稿件由上傳 · 文責自負 · 不代表本網立場
