【點新聞報道】不少移英港人不斷吹噓英國生活，講到移咗民實會人生逆襲咁。有移英港女在網上發文篤爆去到英國的港人自我膨脹得好緊要，將自己成功搵工的經過，講到好勁，她嘲諷「唔知以為咩成功人士......拯救緊地球咁」。
該名移英港女在社交平台threads發文表示，好多港人在英國搵到工作後，自我膨脹得好緊要，「成日見到喺threads有些人自我膨脹到，將自己成功搵工的經過，不斷重覆，賣緊廣告咁，講到好勁，唔知以為咩成功人士，白手興家，勁過李嘉誠，拯救緊地球咁」。
樓主表示，「在英國搵工，真係難同唔容易，明白好多人都想以自身經驗，鼓勵正搵緊工的人，亦明白搵到工的開心，想share 出去」，但她不肖過度吹噓的港人。
帖文獲不少移英網民的認同，指太多晒命到難以形容，「明明身邊返工的朋友都在捱緊英國生活，但Facebook和Threads上好多人都說自己賺得比香港多，還經常可以去旅行，美化得英國的生活好像特別美好」、「最好笑係成日話喺超市買餸幾平幾正好食過香港。係人都知道英國係食物沙漠，食嘢點可能好過香港，呢啲唔係打飛機係乜？ 」。
有網民指自卑定膨脹一線之差，「啲人連信用卡提高credit都要出個post慶祝講心得」、「其實真係好childish，少少嘢就周圍同人『分享』，同英國人一齊返工就沾沾。雖然可以選擇唔睇唔理，但係好似香港人大鄉里出城咁」、「真係勁嘅人係唔會晒命，最多都係講一次，成日講嗰啲人呢，精神可能有問題」。
有網民指英國經濟現時不太好，有很多人搵工相當困難，「其實local brits都會覺得難搵工，唔係淨係華人」、「真實的英國好難搵工，仲要暗啞底的racism 都唔少！表面就公平公正公開請人，特別大機構」、「份份工都係重稅，有乜好自我澎脹？ 」。
收藏
取消收藏
分享
稿件由上傳 · 文責自負 · 不代表本網立場
