【點新聞報道】學生的違禁品可謂五花八門！有中學代課老師在社交平台發文表示，他的學生利用練習簿自製麻雀牌，笑言「好可惜未打完東風東，已經到咗我手」。帖文引來不少學生晒出自家創作，「我哋係整咗副UNO」、「自製學校版大富翁」。樓主欣賞學生的創意想法，但認為「放返喺學習上就very good la」。
該名中學代課老師日前在社交平台threads以「我的學生超越了99.99%的中學生」為題發文，表示他的學生用練習簿自製136隻麻雀牌，「唔知係打廣東牌定係跑馬仔定港式台牌呢」，笑言「好可惜未打完東風東，已經到咗我手」。
從他上傳的相片可見，學生將練習簿紙製成多張小長方型，然後在紙上寫下「萬子」，以及畫上「索子」和「筒子」，製成一副麻雀牌。樓主憶述，「我發現嗰陣佢哋答我玩緊魔力橋，後尾發現係麻雀，咁呢種行為就有需要糾正了」。樓主表示，「老老實實好似校規真係無寫到明麻雀唔帶得，不過我去代課，原任老師交代咗該堂自修，我都有責任同學係做緊佢哋應該做嘅嘢，所以就暫時保管住佢令佢哋分心嘅物品，交返比原任老師處理啦」。
樓主欣賞學生有創意想法，「一嚟佩服佢哋諗到，但係同時佢哋都唔可以係課堂途中玩，咁樣我好難做嫁」、「我個人上堂係喜歡有互動嘅，好過我開talk show，同意佢哋有創意有想法，但放返係學習上就very good la」。
不少網民都大讚學生有創意，「有才」、「你啲學生好有心機」、「幾有創意思維！我覺得呢啲學生會比乖乖地只係坐喺度聽書，老師講乜佢就信乜嘅好好多」、「畀你收咗連麻雀啤嘅錢都唔洗蝕」、「輸咗唔使反枱，吹一吹就得啦」。
有網民留意到「得136即係無花，咁應該唔會廣東牌」，樓主回應表示「關於呢個問題，我有問過點解無花，純粹因為佢哋唔識分春夏秋冬梅蘭菊竹」。
帖文亦引出不少學生晒出自家創作「開心share」，「我哋係嗰0.01%，一年半前已經整咗*高度還原*，利申無俾人發現」、「我哋係整咗副UNO」、「自製學校版大富翁」、「我以前讀中學時，啲同學用uno 當啤牌用」、「我都做過 52隻冇咁多功夫」。
收藏
取消收藏
分享
