【點新聞報道】噁心！有港女日前食完一個冬蔭功味杯麵後，才發現杯底有1隻黑色小昆蟲，崩潰直喊「好X恐怖」、「即刻成兜麵嘔返晒出嚟」。帖文旋即引起網民熱議，不少人搞笑留言「今鋪真係陰公囉」、「真係好陰功」 、「冇陰功 」、「Don’t!陰公 」。
該名港女在社交平台threads發文表示，她當日進食一個冬蔭功味杯麵時，吃到最後將餘下湯水倒走後，才發現杯底有1隻黑色小昆蟲，「食晒，飲埋湯，淨半兜倒水嗰陣先見到」。她頓時感到反胃「即刻成兜麵嘔返晒出嚟」、崩潰直喊「好X恐怖」、「乜X嘢嚟」，她更語地諷刺地指「佢係咪計埋落海鮮湯嘅一員」。
帖文引起網民熱議，「吓？冇諗過呢啲密封嘅杯面，都會有昆蟲喎」、「唔飲湯嗰啲咪發現唔到」、「屋企剛有個冬陰功味杯麵，好X驚」、「蛋白質係牛肉嘅五倍 「小龍蝦嚟」。
有網民則分享相同遭遇，「我以前都遇過，都係合味道冬陰功味，我食咗兩三啖就見到佢浮上嚟，不過我見到個個係風乾曱甴，嚇到瀨屎，朋友仲安慰我係蝦米嚟，勁大陰影，有年幾冇食過杯麵」 。
另有網民猜測相中昆蟲為金龜子，懷疑是事後入去，「因為呢隻黑金龜，通常喺四月尾到六月之間出現 再加埋呢期落雨成日都有飛入屋企嘅情況」、「金龜子而家周街都係 」、「會唔會係隻嘢走咗入你熱水煲，你無發現啊？之前有fd屋企個水煲走咗隻檐蛇入去」、「我可以幾肯定隻蟲係趁你唔為意嗰陣飛落去」。
收藏
取消收藏
分享
稿件由上傳 · 文責自負 · 不代表本網立場
