【點新聞報道】由張衛健（Dicky）、許志安、蘇永康和梁漢文（Edmond）組成的BIG FOUR，將於今年8月9日至11日在紅館舉行「BIG FOUR HAPPY TO SEE YOU ALL演唱會2025」。
相隔12年BIG FOUR合體再踏紅館舞台，海報由林海峰（Jan）擔任創意大腦，星級攝影師夏永康親自操刀，捕捉四子最Man、最有型、最突顯他們超過30年的真摯友情，化作正能量散播出去。Dicky爆料「BIG FOUR」便是由Jan命名。
今次演唱會「HAPPY TO SEE YOU ALL」再由Jan命名，他笑言：「原本諗住佢哋咁耐無見大家，想用『BIG FOUR無穿無爛演唱會』，但中文名呢個唔係幾好，不如諗個英文名，就叫『BIG FOUR BODY CHECK演唱會』，每次上台都係你哋同觀眾嘅一次體檢。」Dicky補充：「唔（做）騷唔知身體好！」Edmond說：「BIG FOUR係我哋嘅『根』，咁耐無見，梗係要一齊搞啲正嘢畀大家啦！」
喜愛時裝，經常為BIG FOUR扮靚的蘇永康，被Jan問他今次四子造型？他說：「都要問過你（Jan）先。」Jan笑指安仔低胸上陣，安仔即掩住心口，拉開話題：「雖然我哋也成日見面，但一齊喺舞台上出現，真係好耐無感受到，直到今日一齊影海報，感覺到個力量返嚟啦！」
海報拍攝期間，現場播放多首有關友情的歌曲，Jan笑說：「最初揀咗《監獄風雲》首歌《友誼之光》，諗住播呢啲歌幫佢哋帶入情緒，後嚟發覺都唔需要，佢哋四個好快就好自然咁入咗嗰個氛圍，呢個就係大家都好想喺台上見到佢哋俾大家嘅感覺。尤其是Dicky，佢好清楚我想大家表達乜嘢，一直帶住大家，始終都係最大（年紀）。」Dicky一臉認真，扮作有感而發，說：「長輩嘛，『牽牛上樹』係有啲難度，仲要係三隻牛，但係佢哋都算乖、聽話！」Jan以醇酒形容他們的友誼和情懷。
（點新聞特約記者陳惠芳報道）
收藏
取消收藏
分享
