【點新聞報道】英國政府早前宣布收緊移民政策，有意延長「5+1」入籍條件至「10+1」，搞到一班移英港人非常忐忑，有的故作鎮定，話做多幾手準備喎。不過，就被移英網民大潑冷水，「英國一朝天子一朝臣」、「日後只會不斷設關卡，搞到不少人抵受不住而放棄居英」。
有移英港人在fb群組「從零開始移民英國：香港圍爐區」發文稱，與其擔心10+1，不如做多幾手準備，「live in UK考咗先；B1 level夠三年考咗先；dp60/稅單儲定先。推薦人都要諗定，學吓送禮勤。」樓主認為要乖乖地做順民，「入席同求居係雞蛋挑骨頭，手車辣就忍吓手；手車屎唔好揸。唔好同隔籬屋結怨，準時交費」。
不少移英網民大潑冷水，「我呢幾年嚟英見過好多香港人洗腳唔抹腳，工都未有就走去旅行又想買樓，個仔又讀Grammar School，工黨話私考加vat，最後都係計唔掂條數。最後返工又嫌錢少，但係已經放到一地都係血，點搞？」、「有啲人犯咗案情(包括錢債)畀人告過就執定包袱」。
有網民直言入唔入到籍都成問題，「事實上係真係有人完全唔識英文，也有好多人英文唔叻」、「子女讀大學畀全費，語言能力又怕未及，十一年中年變老人，即使回也無戰鬥力」、「英國一朝天子一朝臣，4年後另一個黨上台，改20+1，30+1，學歷要博士都得，擔心嚟都無用」、「日後只會不斷設設關卡，搞到不少人抵受不住而放棄居英」。
收藏
取消收藏
分享
稿件由上傳 · 文責自負 · 不代表本網立場
