【點新聞報道】一連七場的《Go with the Flow》演唱會昨晚（28日）在紅館圓滿落幕，相隔九年再踏紅館舞台的林峯，在尾場後接受採訪時直言：「體力OK，只有第一場有啲緊張！」今次演唱會除了有老友周秀娜全程伴舞，更邀得「老闆」古天樂驚喜合唱。
談到七場演唱會的挑戰，林峯笑言：「連續七場係新嘗試，體力反而唔係問題，最緊張係第一場！」他解釋：「九年冇同香港歌迷見面，今次準備咗好多新元素，好想完美呈現。」被問到最觸動的環節，他深情表示：「每一Part都係心血，真係揀唔出。」
演唱會中，林峯與嘉賓多次和一張神秘凳熱舞，意外成為網民熱話，更有人起底「究竟張凳係咩牌子？」
最令樂迷驚喜的，莫過於古天樂擔任嘉賓，兩人更破天荒合唱《今期流行》。林峯透露：「我同古仔識咗廿幾年，但從未試過同台合唱。今次提出想唱《今期流行》，班舞蹈員同樂手一聽到都嘩嘩聲，話『呢首係樂壇經典啊！』」他更感激古天樂「獻咪」三首歌：「真係多謝老闆咁支持！」
至於全程伴舞的周秀娜，林峯笑稱：「娜娜係我好兄弟！」林峯表示，這次只是香港站的結束，未來開騷也期待多多支持。
（點新聞記者周傾芫報道）
相關報道：
收藏
取消收藏
分享
稿件由上傳 · 文責自負 · 不代表本網立場
