【點新聞報道】正所謂「人無恥便無敵」！有移英港男近日在網上發文指，自己向香港銀行借了幾百萬元後一走了之，到英國展開新生活，永不回港還錢，更理直氣壯話自己只是「把握機會，做最好的決定」喎。結果惹來網民圍剿，「真係無恥，影衰香港人」、「喺香港借銀行錢走佬移民，同做賊冇分別」。
該名移英港男在社文平台threads以「有人問我點解可以有幾百萬拎過嚟英國」引出話題，指「其實我走之前喺香港向銀行借了一筆不少的錢，之後就來到英展開生活。」他明知很有很多人會覺得其做法不妥，但仍自覺無問題：「銀行本身就是在賺取風險溢價，借錢出去自然要承擔可能收不回來嘅風險。這不是單方面的決定，而是雙方自願簽訂的協議」。
樓主認為自己選擇離開香港去英國，是「把握機會、作出的選擇。世界那麼大，為什麼我不能為自己尋找更好的可能性？」對於有人可能覺得這是逃避責任，樓主認為「這世界的事情從來都不是非黑即白。銀行是有能力管理和承擔這些風險的，而我，只是利用了我手上的機會，做咗對自己最好的決定」。
他聲稱「追求夢想可以有好多方法好充滿可能性」，又指「幾百萬喺香港做唔到啲咩」、「冇偷冇搶」咁話。帖文引起網民圍剿，「詐騙已經唔係欠債咁簡單，仲好意思講出嚟」、「你要面對銀行越洋追債嘅風險」、「第一次見做賊仲要周圍講」、「真係無恥，影衰香港人」、「喺香港借銀行錢走佬移民，同做賊冇分別」、「你咁做都算，做咩要自爆，你覺得好威威，定自己好醒？」、「成世都唔香港？唔驚收數佬搞你屋企人？之後會返去老破？」。
有網民就提醒「如果俾人查到你喺香港有負債無按時還，甚至破產，會對你入籍有好大影響」，但樓主就老神在在咁回應：「當然我都有諗過會唔會有影響啦，但嚟咗差唔多三年我都幾肯定冇，如果唔畀入籍，其實都唔緊要，唔返香港就得」。
另有網民質疑事件真偽，「有咩可能真係咁樣做呀？個個都咁做香港銀行咪蝕死？」、「一般冇抵押冇其他擔保人，總共借到月薪20倍已經係極限。除非樓主十幾萬月薪啦，如果有咁高月薪，儲都儲到幾百萬啦，使唔使冒呢個險，仲要周圍唱？所以基本上可斷定是引戰文，就算事件係真，借款額都一定細好多，case closed」。
收藏
取消收藏
分享
