【點新聞報道】伍允龍自從與鍾嘉欣分手後都未有再公開過新戀情，早前他被拍到與一名女子同遊迪士尼而傳出有新女友，雖然女方戴住口罩遮掩樣子，但二人狀甚親暱。他其後出席活動時只承認陪對方去玩，但對於是否「戀人未滿，友達以上」時，他則耍太極說：「中文好深，唔係幾明。」不過他當時已自爆5月27日會入場睇林峯演唱會，被問會否帶女伴睇騷，他說：「睇吓點啦！」
昨晚伍允龍果然現身紅館觀眾席，而女伴就是去年與同性密友分手的李蔓瑩（Renee）。二人坐在Panel下位置齊齊睇Show，全程言談甚歡、交頭接耳，Renee更不時含情脈脈望住伍允龍，常常被男方說的話逗得很開心。其實二人已非首次一齊去睇Show，上月謝霆鋒演唱會，二人孖住睇騷，完場更不避嫌一齊走。雖然伍允龍與Renee各有生活圈子，但據知他們之所以相識，是因為伍允龍拍打機片要尋找一位識打機的女生，於是透過中間人認識了Renee，二人志趣相投更一拍即合。
戀情曝光後，伍允龍大方認愛，更承認之前同遊迪士尼的其實都是Renee，他說：「各位傳媒朋友大家好，好多謝大家最近嘅關心，噚晚同我一齊出席演唱會嘅，係我女朋友Renee，亦都係較早前一齊去迪士尼玩嘅朋友，最近透過朋友介紹認識開始拍拖，希望嚟緊大家都俾多啲時間同空間我哋，多謝大家！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
