【點新聞報道】女團VIVA今日（27日）推出新歌《不夠浪漫的我們》，一改以往跳唱風格，首次挑戰抒情慢歌，而且更是向隊友的表白之歌。
新歌MV更邀請Tiger@MIRROR執導，VIVA對這位「暖男導演」讚不絕口，「佢係一個好warm同埋好有熱誠嘅人，佢好細心，有種好暖男嘅感覺，佢唔係嗰啲會一嚟就好多嘢講，但佢係嗰種喺背後做好多嘢嘅人。佢聽晒我哋啲囉嗦意見，仲要整合得好好！唔會限死我哋，俾好大空間我哋發揮。」
MV以啦啦隊為主題，一開始是Macy於隊中出現，然後Ada、Carina及VALC才加入，就如現實生活中，四人成軍的過程一樣。不過最令人難忘是Carina拍攝期間突然暈低。Carina表示拍MV前兩日食物中毒，不停嘔吐，拍攝當日在沙灘跑了幾轉後便暈倒。VALC邊說邊笑：「跟住有個sence我哋係要扮傾偈，見到佢隻眼慢慢開始閂埋，哈哈。」Carina接着說：「其實我望住佢哋嘅時候，佢哋已經係慢慢變成白色，我係死頂撐大對眼，但其實係乜都望唔到，唔知道發生咩事。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
