【點新聞報道】一名港女日前在海洋公園遊玩時遇上大雨，遂走到廁所暫避，待雨勢變小後準備離開時，卻發現包內的雨傘不翼而飛。這時，她發現前方不遠處有名女子手持相同圖案的雨傘，於是上前指一指雨傘，對方立刻將雨傘還給她，「仲係咁話自己係喺地下執到」。
港女在社交平台Threads發文表示，自己於周六（24日）在海洋公園遊玩時，碰巧遇上了大雨，於是走到廁所避雨。其後打算再出發時，見到不遠處有1名女子打開雨傘離開，「見到佢把遮同我嗰把一模一樣（我把遮係大pattern好易認）」。她表示，當時心想這麼湊巧「同人撞遮」，惟摸一摸袋內物件才發現，自己的雨傘已被人偷走「X街，佢偷咗我把遮！」
港女稱，自己立即冒雨衝上前，跑到女子面前指一指雨傘，該名女子就立刻把傘還給她，「仲係咁話自己係喺地下執到」，而她當時「嘈咗佢幾句，太嬲」。港女認為，偷傘者心態是「貪方便、貪免費、貪把遮靚，咩原因都有」，但最大原因是「冇教養」。
有許多網民亦留言批評偷傘賊，「點解連遮都要偷嘅？正常見到人哋把遮靚，唔係應該問人哋喺邊度買嘅咩？呢個世界究竟發生乜事？」、「海洋公園好多遮賣，做乜要偷人把遮喎」，還有人分享自己類似的經歷「我喺圖書館俾人偷過幾次遮，我就淋雨佢就有遮用，希望偷遮賊長病百歲！」同時，有網民建議可帶「縮骨遮」及自備雨傘袋，雨傘能一直跟身，可避免被偷竊，「落雨都只會帶縮骨遮，長遮唔太方便，因為要放遮架，太易唔見」。
收藏
取消收藏
分享
稿件由上傳 · 文責自負 · 不代表本網立場
