【點新聞報道】旺角發生「人肉霸位」事件！有網民在社交平台發文發片，指有一名女子帶同兩名幼童以「人肉」霸佔泊車位，一輛欲停泊該車位的Tesla司機無奈之下，將車停泊在停車格旁邊，剛好阻擋了該女子丈夫的座駕駛入，雙方因此陷入對峙，吸引不少途人圍觀。
有網民在fb群組「馬路的事討論區」上載兩段影片，指「用老婆仔女做人肉霸位好咩？成街人同你講道理又唔聽，係要玩到個個拍晒片先安樂。車未到，家人認為拍咗八達通個位就係我㗎啦」。
從其上載的影片可見，事發地點位於旺角弼街萬寧對出位置，一名女子帶着一名男童及一名女童站在一個停車格內，疑似以「人肉」方式佔用車位。其後，一輛Tesla駛至，欲使用該停車格，但女子拒絕讓路。Tesla司機惟有將車停泊在停車格旁邊，結果剛好阻擋了該女子丈夫的座駕駛入。
另一段影片可見，女子的丈夫下車走到停車格內，與女子交談時情緒激動，隨後要求女子與兩名子女先行上車，自己則留在停車格內。Tesla司機則站在一旁打電話，疑似報警求助，影片至此結束。最後，樓主在留言區補充，「原來佢係P牌期間，佢老婆仲坐咗上司機位，不過我唔知道佢老婆有冇車牌」，至於結局則是「警察叔叔竟然放人，所有街坊都O咗嘴」。
帖文引起網民熱議，「一家大細人肉霸位咁肉酸，唔好大教壞細」、「真係教壞細路」、「怪獸家長禍害無窮！」、「無錢就唔好揸車啦！」、「全家總動員去霸個位」、「無家教教壞小朋友！」、「面皮真係幾呎厚」、「真係肉酸，推個老婆出嚟」、「泊去moko囉。有錢買車冇錢泊車」、「小朋友係無辜嘅」、「無恥等同無敵」，「車都咁淒涼全家拋頭露面人肉霸位，賣車搭返巴士好過啦」。
收藏
取消收藏
分享
稿件由上傳 · 文責自負 · 不代表本網立場
