【點新聞報道】甜筒當然要配備的圓錐狀脆皮筒，惟近日有網民在社交平台分享購買某品牌新推出的鮮牛奶士多啤梨脆脆雪糕甜筒，撕開包裝後，竟發現甜筒不見蹤影，「點解可以咁搞笑連個雪糕筒都冇！」。帖文引起網民熱議，不少爆笑留言「原來雪糕都可以無套」、「最勁係佢又成到形」、「全球限量版都畀你買到」。
該名有網民在社交平台threads分享在便利店購買了2個某品牌新推出的鮮牛奶士多啤梨脆脆雪糕甜筒，撕開包裝後，竟發現其中一個雪糕甜筒沒有甜筒，只剩下牛奶雪糕部份，「開到隱藏款，點解可以咁搞笑連個雪糕筒都冇，店員都呆咗」。
帖文引起網民熱議，吸引大量讚好及轉發，有不少爆笑留言：「特別版 ，保留可以抽獎 」、「原來雪糕都可以無套」、「最勁係佢又成到形」、「呢個叫甜，唔係甜筒 」、「賺咗」、「食甜筒就係最想食個筒！呢個錯版真係要跟時間競賽」、「雪糕增量版10% （走筒）」、「全球限量版都畀你買到已經打敗99.9%地球人」、「好慘無得食朱古力督督」。
原來另有其他購買同款甜筒的網民也遇到相同情況，「我都開過，覺得伏，仲以為係佢特登咁設計」、「成批漏左，個qc都幾得人驚」。
收藏
取消收藏
分享
稿件由上傳 · 文責自負 · 不代表本網立場
