【點新聞報道】青衣長康邨日前發生一宗感情糾紛，一名大叔遭疑似小三追打。網上瘋傳一段影片，題為「直擊520嘅第一場嘈交」，片中一名大叔與一名熱褲女吵架，女子更稱「叫你老婆落嚟」，令拍片人不禁大嘆「大人世界真係好亂」。
網上瘋傳一段長約1分半的影片，題為「直擊520嘅第一場嘈交」，現場為青衣長康邨7-11便利店對開。上載者留言「唔可以只有我睇到㗎！單身都可以好快樂」，畫面則寫上「打敗99%嘅香港人，直擊520嘅第一場嘈交。大人世界真係好亂，有老婆仲搞三搞四，搞人老公仲同人哋搭膊頭攬嚟攬去，單身狗我睇得好開心」。
影片所見，當時一名穿粉色上衣及黑色熱褲的女子，正大力推撞一名黑衣大叔，並不停怒吼「叫你老婆落嚟囉！」。大叔轉身想走，女子即再上前追打他，雙方糾纏期間，一旁的白色背心阿伯則在旁阻止，但不成功。
雙方在通道上來回徘徊，女子情緒激動，大聲怒吼「即係鬧緊我啦！」，黑衣大叔未有理會，快步離開，女子見狀向著他尖聲大喊：「走啦你！唔好X解釋！聽日唔好X落嚟！」其後，影片拍到女子接連與白色背心男子及另一名男子在便利店門前傾談，女子更將手搭着其中一名大叔膊頭，影片至此結束。
拍片者直擊過程時說道，「520前夕，見到有個女人不斷喺度同其他男人嘈交，話叫佢個老婆落嚟。呢幕精彩，好似幾好睇咁喎。睇嚟呢個男人（黑衣大叔）係有老婆嗰喎，但係呢個女人嘅語氣，睇嚟好似唔係好簡單喎。嘩，仲同另一個阿叔攬頭攬頸，唉，自己都唔係專一嘅人，就唔好對對方咁多要求......」，拍片者笑言「直擊到呢一幕真係覺得好搞笑」。
影片引起網民熱議，「精彩精彩」、「無情的花生最好吃」、「勁，年紀唔細但仲有市場」、「開頭無開聲，仲以為個阿叔男男出軌」、「香港 520=唔要你」、「原本你唔加句單身狗都冇問題。依家反而有葡萄味」、「好亂好亂，關係好亂」。
收藏
取消收藏
分享
