【點新聞報道】無綫全新節目《一日打工限定》，集合15名藝人以第一身角度帶觀眾了解香港各行各業的「另類職人」，今晚（20日）第二集是從事一日粉麵師傅的朱敏瀚（朱仔）；為了跟足流程，朱仔凌晨五點天未光已抵達手打魚旦粉麵檔廚房重地。
朱仔在店主Roger帶領下學習起魚肉、打魚漿、唧魚旦及炸魚片等。聲稱自己是處男劏魚的朱仔，全程「姐手姐腳」，起出來的魚肉「一岩一窟」之餘，炸魚片時又不慎被彈出來的油辣親，朱仔學師期間忍不住嘆氣笑謂：「師傅，講好易，做好難，唔係大力就得，係要有技巧！」從來沒有嘗試過藝人以外工作的朱仔，自責自己不知所謂：「我17歲就入咗TVB，今日係我第一日打唔係TVB嘅工，我畀自己4分。」
完成備料工作後，朱仔移師店舖學習樓面工作，雖然技巧要求看似「冇咁高」，但朱仔似乎反而更混亂，單是簡單的出Order工作已錯漏百出。朱仔不斷搖頭感嘆：「我Load緊一碗時，真係Load唔切去搞第二碗。我一定唔做食肆，做食肆啲人都係癡線，我希望我今日冇阻礙到佢哋。」
明晚（21日）第三集登場是從事樂器維修員的劉佩玥（阿Moon)原來阿Moon除了獲八級鋼琴認證，還懂得拉小提琴和吹色士風，此外私下還是維修專家，就連家中的馬桶也有研究一番，阿Moon說：「我會自己整廁所，睇嚇點解會撳唔到，我覺得拆解過程好得意。」
阿Moon在節目中先後會學習維修鋼琴、色士風及結他，其中鋼琴的維修過程不但複雜，且相當消耗體力，不過她的功夫師傅也拍爛手掌。
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
