【點新聞報道】《友乜唔講得》昨晚（18日）播出最後一集。壓軸嘉賓是TVB節目內容營運總經理曾志偉。
志偉多年來熱心公益。阮兆祥笑言志偉除了是「演藝圈救護車」，亦是「慈善救護車」：「我覺得阿爸（眾人對志偉暱稱）係火燭車火速到埗嗰隻救護車。逢親要救亡又好、救急扶危又好，佢都會係第一個挺身而出。」志偉即謙稱每次舉辦慈善show能如此成功，全靠香港演藝人夠團結以及港人好有心。他續指難忘當年華東水災十分成功，其中一件開心事是獲得不少的士司機及十四座小巴免費幫忙接送。我記得嗰年最感動係突然間聽到何伯（已故大慈善家）嘅電話，就係話今晚你哋籌款，籌到一蚊我就捐一蚊。」
細細個已通宵睇東華體驗港人齊心行善的志偉，坦言十分熱愛《歡樂滿東華》這個節目，並坦言想「做到我冇能力做為止」。而東華最令志偉動容的，是屋邨街坊「顧己及人」的精神。志偉又談及了當年與譚詠麟及梅艷芳攜手策劃行善，志偉說：「以前我哋梅姐阿倫呀成日一齊，一有咩事我哋就互通電話話想幫，點匯錢呀點捐錢呀咁。」他指出藝人在籌款/賑災活動中所扮演的角色，第一是廣播、第二是身體力行、第三是深入了解善款走向：「我哋其實係一個喇叭，等大家知有件咁嘅事。而我哋藝人要有個代表，去完災區再返嚟話返畀廣大巿民知發生咩事。」
拍住曾志偉參與不少慈善工作的祥仔，憶述有次獲志偉邀請齊齊到馬來西亞做慈善，當志偉發現當地人要「排好耐隊」才能洗腎時，即二話不說表示要捐兩部洗腎機，並提出其中一部他付錢購買的洗腎機以祥仔名義捐出；祥仔眼濕濕憶述說：「唔少錢㗎嗰度！志偉一嚟就話一部你送，一部我送…入我數，不過用你名義去捐。」志偉還提及行善不要計較、不要動氣：「只要件事係好事，唔好計較太多，唔好以自己為中心，唔好成日用自己做出發點。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
