【點新聞報道】當年王丹妮（Louise）演出電影《梅艷芳》，獲得鄭秀文（Sammi）的支持和鼓勵而結緣。昨晚（18日）Louise獲邀在Sammi的澳門演唱會上擔任表演嘉賓，與Sammi同台合唱梅姐經典名曲《壞女孩》，兩人又跳又唱，「型」不可擋，high爆全場。
Louise非常感恩Sammi不時提攜她這位後輩，說：「之前試過在電影中的舞台上唱歌，但這次是以個人身份踏上舞台同Sammi合唱，心情實在無比興奮，因為我自己同埋屋企人都係Sammi嘅fans，所以受到Sammi邀請真係好surprise好榮幸。今次《壞女孩》呢首歌係Sammi親自揀嘅，能夠同Sammi一齊唱梅姐嘅歌我覺得特別有意義，亦能深深感受到我哋對梅姐嘅敬愛之情。」
Louise為了今次表演，專門找唱歌老師練歌，希望在台上能夠發揮得更好，但令Louise最感難忘的是Sammi百忙中抽空與她排練。她無比幸福地說：「作為後輩的我，真係覺得Sammi非常勤力，呢種精神真係好值得學習，我希望除咗舞台表演外，將來可以有機會一齊合作拍電影。」
這次舞台上所穿的戰衣，Louise是一見鍾情：「我在衣着造型上特地揀咗一套有好多『M』字嘅牛仔西裝褸，『M』 for 『Mi』，揀衫嘅時候，第一眼見到呢個細節，已經即刻confirm毫無懸念。」
表演完畢後，Sammi在後台大讚Louise在台上表現淡定，且很有台型，Louise聽後開心不已。Louise還告知Sammi，除了她之外，此行她的老公、囡囡，還有專程由澳洲回來的老爺、奶奶也有同行，因為他們全家都是Sammi的忠實fans。
演唱會上除了跟Sammi合唱《壞女孩》外，Louise還在台上獨唱Sammi的作品《理想對象》，「呢首歌係我親自揀嘅，因為除咗我之外，我知道好多歌迷都視Sammi為理想對象，所以我唱出大家嘅心聲。」
（點新聞特約記者陳惠芳報道）
相關閱讀：
收藏
取消收藏
分享
