港媽怒斥$33校園劣質飯盒　網民:「33蚊不如兩餸飯」

【點新聞報道】有名港媽在Threads發帖吐槽，直指學校飯商提供的$33「英倫鮮茄豆蓉蛋堡粟米飯」賣相與味道均欠佳。樓主質疑「究竟當啲學生小朋友係咩」，她表示「孩子食呢啲都真係心痛」。

只見相片中，飯盒裏有個圓形的蛋堡，零星幾粒的粟米混在米飯中，還有少量的烚白菜。 而鮮茄豆蓉則是多汁少豆。樓主表示自已試過味，烚菜是無味的，蛋堡僅是圓形造型的煎蛋。

帖文引起網民熱議，許多網民留言指自家子女亦時常抱怨學生餐難吃。網民表示「我個女學校都係咁，日日返嚟都話難食」、「其實應該好多家長唔介意畀貴少少，但奈何價低者得」、「學校又唔畀出去食，可以點？」。 有網民建議煮飯給孩子帶，表示「幾攰都要畀小朋友帶飯」。亦有許多網民認為飯盒價格與質素不符，網民批評「睇個樣真係太離譜」、「33蚊畀啲咁嘅垃圾，懷疑便當成本有冇6蚊」、「33蚊不如兩餸飯」、「$33蚊學生飯唔係平喎，兩餸飯都係咁上下但豐富好多囉」。 另有網民認為「學生餐唔易做」，「又要有營養，仲要低鹽低油低糖」、「二三十蚊有個飯，仲想點」、「炸髀撈丁好食啊，但唔可以當學生餐囉」。另有網民表示學生餐在多種影響下只能縮減食材成本，指「要請專人監察，學生食，外賣盒要用靚嘅，要送埋貨嘅，要搵人派到上課室嘅，全部都係成本」。