【點新聞報道】做外賣員並不容易！日前有外賣員在網上發文指，見到有客人一次過訂了44份早餐，但沒有給予任何貼士，認為不合理，直指「傻仔先會接呢張單」。帖文引起網民熱議，有人力撐樓主「無貼士真係唔抵」，有網民則怒斥樓主嫌辛苦可以轉工，「老馮比你㗎咩？」。
該名外賣員於fb群組「香港外賣及速遞平台綜合交流群」發文，指「發現新大陸，有條友叫咗44個早餐，但係無比任何tips」，又話「唔知同志們會唔會炒餐（刻意弄翻）了」。樓主質疑，「你叫44個早餐，有冇諗過外賣員感受？平台運費$40幾」。樓主更表明自己不會接單，「唔好意思， 我冇做。只係自己買早餐嘅時候，見到呢個奇景」。
從樓主上載的的照片可見，其中一張單已達11份早餐，合共消費達2,579元，運費為36元。平台表示，該訂單被拆份成4個包裹，將由4位送遞員分別送達。樓主直言「真係唔會送喎，南亞車手已經全部將啲嘢飲全部打斜，傻仔先會送40幾份早餐，分單一個人要拎四袋」。
帖文引起網民熱議，有網民力撐樓主：「大單辛苦啲，無貼士真係唔抵」、「呢啲單一係傻仔，一係新入行牛奶仔自己貼錢坐的士送嗰種先會接」、「44個早餐起碼分八張單，每張單大約五個早餐連嘢飲先至係正常一個外賣佬送嘅重量」、「比我做第二單好過」。
另有網民怒斥樓主嫌辛苦可以轉工，「老馮比你㗎咩？唔送咪Ｘ接單啦」、「最黑人憎的人只看有冇貼士及問人攞貼士，有時送完個餐客人見你辛苦會自動畀貼士你，唔需要多問」、「有單接，有錢收，會有咩感受？有人用槍俾你做？」、「唔通個office叫40個餐，要個客分十張order出？有無常識？」、「送幾多個餐都好，你份糧包埋。唔鐘意未踢囉！貼士係bonus，唔係老馮嫁。」、「叫得44個餐好多時都係公司單，點樣比貼士？送到上去問會計攞囉」、「有單又唔高興， 無單又唔高興，真難服侍」。
收藏
分享
