姜濤只剩3年約　隊長Lokman：唔續約一定會散

【點新聞報道】男團MIRROR「夜粥小組」楊樂文（Lokman）、江𤒹生（Anson Kong）、王智德（Alton）、陳瑞輝（Frankie）今日（12日）到旺角和尖沙咀進行花車巡遊，宣傳下月舉行的演唱會，吸引逾200粉絲應援，他們在旺角落車派Postcard時粉絲爭先恐後引起混亂，惹來商場投訴，粉絲追車更是險象環生。

「夜粥小組」指演唱會暫時開一場，會否加場要看反應。姜濤之前在小組團綜一時口快爆三年便約滿，AK表示：「份份約都有期限，實際數字係幾多我哋就唔講。到時候真係會，大家都一定會知道，我哋唔會秘密地解散，到時MIRROR有啲咩去向，一定會同大家講。」Lokman又話無論三年或三十年，人總需要勇敢生存，路一定要走。講到若有成員不續約會否擔心MIRROR解散？Lokman直言：「唔續約就一定會散，我覺得各人有各人嘅方向，各人行咩方向，我哋各人都會支持。」

AK即謂如何走下去就要看誠意。「而誠意係好需要成本，顧住同員工嘅一個協調。（咁公司過去誠意如何？）當天我只是一個黃毛小子，嗰時嘅概念⋯同埋物價會升值，唔可以用嗰時時間、感情去計。我哋未傾到去呢個圈，所以不能奉告、而定只係專心演唱會。」

（點新聞特約記者陳惠芳報道）